కరోనా కాటుకు సీనియర్​ సబ్​ ఎడిటర్​ అజయ్​ మృతి

దిశ, కూకట్​పల్లి: కరోనా మహమ్మారికి మరో జర్నలిస్ట్​ బలయ్యారు. నమస్తే తెలంగాణ దినపత్రికలో సీనియర్​ సబ్​ ఎడిటర్​గా పని చేస్తున్న అజయ్ కు​ కరోనా పాజిటివ్​ రావడంతో అస్వస్థతకు గురై ఈ నెల 6వ తేది నుంచి ఆసుపత్రిలో చికిత్స పొందుతున్నారు. పరిస్థితి విషమించడంతో శనివారం మృతి చెందారు. నల్లొండ సూర్యపేట్​ గరేడి పల్లి పొనుగోడు గ్రామానికి చెందిన అజయ్​ గత కొన్ని సంవత్సరాలుగా నమస్తే తెలంగాణలో పని చేస్తూ కూకట్​పల్లి అల్లాపూర్​ డివిజన్​లో నివాసం ఉంటున్నారు. అజయ్​కు ఓ కొడుకు, కూతురు ఉన్నారు. అజయ్​ మృతి పట్ల తోటి డెస్క్​ జర్నలిస్టులు తీవ్ర దిగ్భ్రాంతిని వ్యక్తం చేశారు.