కడపలో జనసేన జెండా ఎగరేస్తాం..!
దిశ, కడప: కడప అసెంబ్లీ టికెట్ జనసేనకు కేటాయించాలని కడప కార్యకర్తలు కోరారు. కడప ఐఎంఎ హాలులో ఆదివారం జరిగిన కార్యకర్తల సమావేశంలో ఈ మేరకు తీర్మానం చేశారు. అనంతరం ఈ సమావేశానికి ముఖ్య అతిథిగా హాజరైన జనసేన కడప, అన్నమయ్య జిల్లాల సమన్వయకర్త సుంకర శ్రీనివాస్ మాట్లాడుతూ కడపలో జనసేన జనసేన జెండాను ఎగురవేస్తామన్నారు. రాష్ట్రంలో సపరిపాలన రావాలంటే పవన్ నాయకత్వం రావాలని ఆశించారు. కడప అసెంబ్లీలో పోటీ చేయాలని జనసేన ఆశిస్తుందన్నారు. రాయలసీమలో కడప నియోజకవర్గ అసెంబ్లీ టికెట్ పొత్తులో భాగంగా జనసేన కేటాయించాలని తీర్మానం చేశారు.
జనసేనకు కడపలో గెలిచే అవకాశం ఉందని సుంకర శ్రీనివాస్ చెప్పారు. కడప అసెంబ్లీ టికెట్ విషయాన్ని చంద్రబాబు, పవన్ కళ్యాణ్ దృష్టికి తీసుకెళ్తామన్నారు. కడప అసెంబ్లీ సీటును జనసేనకు కేటాయిస్తే గెలిచి తీరుతామని ధీమా వ్యక్తం చేశారు. వైసీపీని ఎదుర్కొవాలంటే జనసేనకు కడప టికెట్ ఇవ్వాలని కోరారు. వైసిపీ నాయకులు దోచుకోవడం, దాచుకోవడం తప్ప అభివృద్ధి చేయలేదని ఆరోపించారు. కడప అభివృద్ధికి జనసేన కట్టుబడి ఉందని సుంకర శ్రీనివాస్ పేర్కొన్నారు. కడప ప్రజల సమస్యలు విన్నామని, పోలీసు, రెవెన్యూ వ్యవస్థలో అవినీతి లేకుండా చేస్తామని హామీ ఇచ్చారు. చంద్రబాబు, పవన్ విజన్ ఉన్న నాయకులని పేర్కొన్నారు. పథకాల పేరుతో రాష్ట్రాన్ని జగన్ దోచుకుంటున్నారని ఆరోపించారు. ఓటుకు నోటు ఇవ్వడానికి జగన్ మళ్ళీ ఎన్నికలకు వస్తున్నాడని, ఈ సారి జనసేన, టీడీపీ ఉమ్మడి ప్రభుత్వం ఏర్పాటు చేయడం ఖాయమని సుంకర శ్రీనివాస్ ధీమా వ్యక్తం చేశారు.
