AP News:దాడులపై సాక్ష్యాలను గవర్నర్‌కు అందించిన వైఎస్ జగన్!

దిశ,వెబ్‌డెస్క్: ఏపీ గవర్నర్ అబ్దుల్ నజీర్‌ను వైసీపీ అధినేత, మాజీ సీఎం జగన్ ఇవాళ(ఆదివారం) సాయంత్రం కలిశారు. ఈక్రమంలో వైఎస్ జగన్ రాజ్‌భవన్‌కు వెళ్లి గవర్నర్‌తో భేటీ అయ్యారు. ఈ నేపథ్యంలో గవర్నర్‌తో ఇటీవల ఆంధ్రప్రదేశ్‌లో చోటుచేసుకుంటున్న దాడులు, అత్యచారలపై చర్చించారు. రాష్ట్రంలో టీడీపీ కూటమి అధికారం చేపట్టిన నాటి నుంచి జరిగన దాడులపై గవర్నర్‌కు వివరించారు. వినుకొండలో వైసీపీ కార్యకర్త రషీద్ దారుణ హత్య, పుంగనూరులో ఎంపీ మిథున్‌రెడ్డిపై రాళ్లదాడి, మాజీ ఎంపీ రెడ్డప్ప కారును దహనం సహా రాష్ట్రంలో జరిగిన దాడులపై సాక్ష్యాలు, వీడియోలను గవర్నర్‌కు జగన్ అందించినట్లు సమాచారం. దీనికి సంబంధించిన మరిన్ని వివరాలు తెలియాల్సి ఉంది.