హీరో ఉదయ్ కిరణ్ చావుకు పవన్ కల్యాణే కారణం: ఎంపీ

దిశ, వెబ్‌డెస్క్: జనసేన అధినేత పవన్ కల్యాణ్‌పై బాపట్ల వైసీపీ ఎంపీ నందిగం సురేష్ సంచలన ఆరోపణలు చేశారు. గురువారం నందిగం సురేష్ మీడియాతో మాట్లాడుతూ.. హీరో ఉదయ్ కిరణ్ చావుకు పవన్ కల్యాణే కారణమని ఆరోపించారు. ఉదయ్ కిరణ్ మృతిపై పవన్ కల్యాణ్ సమాధానం చెప్పాలని డిమాండ్ చేశారు. చివర్లో ఉదయ్ కిరణ్‌కు సినిమా అవకాశాలు రాకుండా చేసింది పవన్ కల్యాణే అని ఎంపీ ఆరోపించారు. దీంత్ర తీవ్ర మానసిక ఒత్తిడికి గురైన ఉదయ్ కిరణ్ ఆత్మహత్య చేసుకున్నారని అన్నారు. పవన్ కల్యాణ్ నైజం అంతే అని తెలిపారు. ఇప్పుడు కూడా తన ప్యాకేజీ రాజకీయాల కోసం ఫ్యాన్స్‌ను వాడుకుంటున్నారని మండిపడ్డారు. జనసైనికుల చెమటను పవన్ ప్యాకేజీ కోసం చంద్రబాబుకు అమ్ముకుంటున్నారని విమర్శించారు.