విశాఖలో 'వారసుడు' సినీ యూనిట్ సందడి

దశ ఉత్తరాంధ్ర: 'వారసుడు' సినిమా తెలుగు, తమిళంలో బ్లాక్ బస్టర్ హిట్ కావడం గర్వంగా ఉందని చిత్ర నిర్మాత దిల్ రాజు అన్నారు. విశాఖ మెలోడీ థియేటర్‌లో 'వారసుడు' సినీ యూనిట్ సందడి చేసింది.

ఈ సందర్భంగా నిర్మాత దిల్ రాజు మాట్లాడుతూ 'వారసుడు' సినిమాకి అన్ని వర్గాల ప్రజల అభినందనల వెల్లువ వస్తుందని ఆనందం వ్యక్తం చేశారు. పది రోజులు తరువాత కూడా సినిమాకి అదే ఆదరణ కొనసాగుతుందని చెప్పారు. తమన్ సంగీతం సినిమాకు వెన్నెముక‌గా నిలిచిందన్నారు.

చిత్ర సంగీత దర్శకుడు తమన్ మాట్లాడుతూ బృందావన్ తరువాత దర్శకుడు వంశీ‌తో మళ్ళీ పని చేశానని చెప్పారు. నిర్మాత, దర్శకుడి ప్రోత్సాహంతోనే మంచి సంగీతం కుదిరిందన్నారు.

నటుడు శ్యామ్ మాట్లాడుతూ తనకు తెలుగు అంటే ఎంతో అభిమానం చెప్పారు. దిల్ రాజు ఉత్తమ నిర్మాత అని కొనియాడారు.

దర్శకుడు వంశీ పైడిపల్లి మాట్లాడుతూ వైజాగ్ అంటే తనకు సెంటిమెంట్ అన్నారు. విశాఖ వచ్చినప్పుడల్లా సంపత్ వినాయక గుడి, సింహాద్రి అప్పన్న గుడికి వెళతానన్నారు. తన సినిమాలు విశాఖలో షూటింగ్ జరిగాయని గుర్తు చేశారు. ఇది అందరూ కష్ట పడి చేసిన సినిమా చెప్పారు. భారత్ సూపర్ స్టార్ విజయ్ ఇటువంటి కథ ఒప్పు కాగానే భయం వేసిందన్నారు. ఇందులో నటులంతా బాగా నటించారని పేర్కొన్నారు.

ఈ కార్యక్రమంలో నటి సంగీత , డిస్ట్రిబ్యూటర్ ప్రతినిధులు దిల్ శ్రీనివాస్, థియేటర్ మేనేజర్‌లు గౌరి శంకర్, రమణ తదితరులు పాల్గొన్నారు.