వివాహ విందు భోజనాల్లో విషాదం.. మహిళ మృతి, పలువురికి అస్వస్థత

దిశ, వెబ్ డెస్క్: శ్రీకాకుళం జిల్లా మందస మండలం నల్లబొడ్లూరులో విషాదం చోటు చేసుకుంది. వివాహ విందు భోజనాలు వికటించి మహిళ మృతి చెందగా పలువురు అస్వస్థతకు గురయ్యారు. మృతురాలు మందస మండలానికి చెందిన బేతాళపురం గ్రామానికి చెందిన తెప్పల జానకమ్మ(35)గా గుర్తించారు. ఈ దుర్ఘటనలో అస్వస్థకు గురైన మిగతా పదిమందిని చికిత్స నిమిత్తం హరిపురం ప్రభుత్వ ఆసుపత్రిలో తరలించారు. విషయం తెలుసుకున్న పోలీసులు ఘటన స్థలాన్ని పరిశీలించారు. విందు భోజనం నిర్వహించిన వారి వివరాలు సేకరించారు. ఘటనపై కేసు నమోదు చేసి దర్యాప్తు చేస్తున్నారు.