Mangalagiri: జనసేనలో చేరిన టాలీవుడ్ బడా నిర్మాత బీవీఎస్ఎన్ ప్రసాద్
దిశ, వెబ్ డెస్క్: సినీ నిర్మాత బీవీఎస్ఎన్ ప్రసాద్ జనసేనలో చేరారు. జనసేన అధినేత పవన్ కల్యాణ్ సమక్షంలో ఆయన జనసేన తీర్థం పుచ్చుకున్నారు. వారాహి యాత్రకు రెడీ అవుతున్న నేపథ్యంలో మంగళగిరి జనసేన పార్టీ కార్యాలయంలో పవన్ కల్యాణ్ యాగం నిర్వహించారు. ఈ సందర్బంగా పవన్ కల్యాణ్‌ను బీవీఎస్ఎన్ ప్రసాద్ కలిశారు. దీంతో ఆయనకు పవన్ కల్యాణ్ జనసేన కండువా కప్పి పార్టీలోకి ఆహ్వానించారు. అయితే బీవీఎస్ ప్రసాద్ సడెన్‌గా జనసేన తీర్థం పుచ్చుకోవడం చర్చనీయాంశంగా మారింది. ఎమ్మెల్యేగా పోటీ చేసేందుకే బీవీఎస్ఎన్ ప్రసాద్ జనసేనలో చేరినట్లు టాక్ వినిపిస్తోంది. కాగా మెగా ఫ్యామిలీతో బీవీఎస్ఎన్ ప్రసాద్‌కు సన్నిహిత సంబంధాలున్నాయి. పవన్ కల్యాణ్‌తో ‘అత్తారింటికి దారేది’, సాయి ధరమ్ తేజ్‌తో ‘విరూపాక్ష’, వైష్ణవ్ తేజ్‌తో ‘రంగరంగవైభవంగా’ సినిమాను నిర్మించారు. మరో మెగా హీరో వరుణ్ తేజ్‌తో ‘గాంఢీవధారిఅర్జున’ సినిమాను నిర్మిస్తున్నారు.
