Tirumala: తిరుమలలో రేపు వీఐపీ బ్రేక్ దర్శనాలు రద్దు.. ప్రధాన కారణం అదే!

దిశ, వెబ్‌డెస్క్: తిరుమల (Tirumala) వెళ్లే భక్తులకు టీటీడీ (TTD) అధికారులు కీలక సూచన చేశారు. రేపు అనగా.. మంగళవారం ప్రధాన ఆలయ పరిధిలో వీఐపీ బ్రేక్ (VIP Break) దర్శనాలను పూర్తిగా రద్దు చేస్తున్నట్లు పాలక మండలి ప్రకటించింది. తిరుమల శ్రీవారి ప్రధాన ఆలయంలో కోయిల్ ఆళ్వార్ తిరుమంజనం (Koil Alwar Thirumanjanam) సేవను అట్టహాసంగా నిర్వహించనున్నారు. ఈ సందర్భంగా అష్టదళ పాద పద్మారాధన సేవ (Astadala Paada Padmaradhana Seva), వీఐపీ బ్రేక్ (VIP Break) దర్శనాలను రద్దు చేస్తున్నట్లుగా పేర్కొన్నారు. అదేవిధంగా సోమవారం సిఫార్సు లేఖల స్వీకరణను కూడా రద్దు చేశారు. మరోవైపు సాధారణ భక్తులకు శ్రీవారి దర్శన ప్రక్రియ యథావిధిగా కొనసాగుతోందని టీటీడీ (TTD) అధికారులు తెలిపారు.