Breaking: పేర్ని నానిపై కోడి గుడ్ల దాడి.. పరిస్థితి ఉద్రిక్తం

దిశ, వెబ్ డెస్క్: గుడివాడలో తీవ్ర ఉద్రిక్తత చోటుచేసుకుంది. మాజీ మంత్రి పేర్ని నానిపై కోడిగుడ్ల దాడి జరిగింది. జనసేన అధినేత పవన్ కల్యాణ్‌పై నాని చేసిన అనుచిత వ్యాఖ్యలపై ఆ పార్టీ కార్యకర్తలు ఆగ్రహం వ్యక్తం చేశారు. కాపు కాచి మరి పేర్నినాని కాన్వాయ్‌ను అడ్డుకుని కోడిగుడ్లు విసిరారు. తమ అధినేతపై పేర్ని నాని చేసిన వ్యాఖ్యలకు క్షమాపణలు చెప్పాలని డిమాండ్ చేశారు.

అయితే వైసీపీ కార్యకర్తలు సైతం అక్కడకు భారీగా చేరుకున్నారు. పవన్ కల్యాణ్‌కు వ్యతిరేకంగా నినాదాలు చేశారు. దీంతో రెండు పార్టీల కార్యకర్తలు పరస్పరం దూషణలకు దిగారు. ఒకరిపైకి మరొకరు దూసుకెళ్లేందుకు యత్నించారు. పోలీసులు రంగ ప్రవేశం చేసి ఇరువర్గాలను చెదరగొట్టి పరిస్థితిని అదుపు చేశారు. అయితే పేర్ని నానిపై జరిగిన కోడిగుడ్ల దాడిని వైసీపీ నాయకులు తీవ్రంగా ఖండించారు. సమాజంలో ఇలాంటి దాడులు సరికాదన్నారు.