రేణిగుంట ఎయిర్‌పోర్టులో అర్ధాంతరంగా ఫ్లైట్ రద్దు.. ప్రయాణికులు ఏం చేశారంటే..!

దిశ, వెబ్ డెస్క్: తిరుపతి జిల్లా రేణిగుంట ఎయిర్ పోర్టులో అర్ధాంతరంగా స్టార్ ఎయిర్‌లైన్స్ ఫ్లైట్ రద్దు అయింది. దీంతో ప్రయాణికులు ఆందోళనకు దిగారు. తమకు ముందస్తు సమచారం ఎందుకు ఇవ్వలేదని ఆగ్రహం వ్యక్తం చేశారు. ఎయిర్‌పోర్టులోనే నిరసనకు దిగారు. వెంటనే తమకు వేరే ఫ్లైట్‌లో పంపాలని డిమాండ్ చేశారు. అయితే కొన్ని అనివార్య కారణాల వల్ల విమానాన్ని రద్దు చేయాల్సి వచ్చిందని తెలిపింది. మరో విమానంలో ప్రయాణానికి ప్లాన్ చేసుకోవాలని, ఫ్లైట్ చార్జీలను త్వరలో రీఫండ్ చేస్తామని సూచించింది. అయితే వెంటనే చెల్లించాలని ప్రయాణికులు అక్కడే బైఠాయించారు. దీంతో స్టార్ ఎయిర్ లైన్స్ సిబ్బంది దొగిచ్చింది. ఫ్లైట్ ఛార్జీలను రీఫండ్ చేసింది. దీంతో ఆందోళన విరమించారు.