Ap News: 2024లో వారికే సీట్లు.. క్లారిటీ ఇచ్చిన చంద్రబాబు
దిశ, వెబ్ డెస్క్: 2024 ఎన్నికలపై టీడీపీ అధినేత చంద్రబాబు దృష్టి సారించారు. ఇప్పటి నుంచే అభ్యర్థుల ఎంపికపై ఆయన కసరత్తు చేస్తున్నారు. పోటీ చేసే స్థానాలు, సీట్ల కేటాయింపు పై చంద్రబాబు కీలక నిర్ణయం తీసుకున్నారు. ఎన్నికల్లో గెలిచే వారికే సీట్లు ఇవ్వాలని డిసైడయ్యారు. ఈ విషయాన్ని ఉమ్మడి ప్రకాశం జిల్లా నేతలకు సూత్రపాయంగా సూచించారు. వచ్చే ఎన్నికల్లో గెలిచే వారికి సీట్లు ఇస్తామని చంద్రబాబు తెగేసి చెప్పారు.
అయితే నేతల బలంపై అంతర్గతంగా సర్వే చేయిస్తామని, ప్రజల్లో పని తీరు బాగుంటేనే సీట్లు దక్కుతాయని చంద్రబాబు చెప్పారు. పార్టీ బలోపేతం కోసం పని చేయని నాయకుల విషయంలో ఉపేక్షించేది లేదని హెచ్చరించారు. ఎన్నికలను ఎదుర్కొనేందుకు టీడీపీ, నేతలు సిద్ధంగా ఉండాలని సూచించారు. మరోవైపు ఓటర్ల జాబితాలో జరుగుతున్న అవకతవకలపై ప్రతీ కార్యకర్త అప్రమత్తంగా ఉండాలని చెప్పారు. అన్నీ తాము చూసుకోలేమని.. ఓటర్ల జాబితాలో జరుగుతున్న అవకతవకలను ఇంచార్జులు బాధ్యతగా తీసుకోవాలని చంద్రబాబు సూచించారు.
