పవన్ కల్యాణ్ గెలుపునకు కృషి చేస్తా.. ముద్రగడ కూతురు సంచలన వ్యాఖ్యలు (వీడియో)

దిశ, వెబ్‌డెస్క్: జనసేన అధినేత పవన్ కల్యాణ్‌ను పిఠాపురంలో ఓడించకపోతే తన పేరు మార్చుకుంటానని వైసీపీ నేత ముద్రగడ పద్మనాభం చాలెంజ్ చేసిన విషయం తెలిసిందే. అయితే ముద్రగడ కూతురు క్రాంతి మాత్రం ఆయన సవాల్‌ను వ్యతిరేకించారు. పిఠాపురంలో పవన్ కల్యాణ్ ను ఓడించడానికి వైసీపీ నాయకులు ఎన్ని చేయాలో అన్ని చేస్తున్నారన్నారు. అయితే పవన్ కల్యాణ్ ను ఓడించకపోతే తన పేరును ముద్రగడ పద్మానాభరెడ్డిగా మార్చుకుంటానని చాలెంజ్ చేయడం బాధాకరమన్నారు. ముద్రగడ ప్రకటన తన సొంత అభిమానులకు కూడా నచ్చలేదన్నారు. వంగా గీత గెలుపు కోసం పనిచేసుకోవచ్చు కానీ పవన్ కల్యాణ్‌ను ఆయన అభిమానులను కించపరిచేలా కామెంట్స్ ఉండకూడదని తెలిపారు. పవన్ కల్యాణ్ ను తిట్టేందుకు జగన్ ముద్రగడను వాడుతున్నారని ఫైర్ అయ్యారు. ఎన్నికల తర్వాత ముద్రగడను ఎటూ కాకుండా వదిలేయడం పక్కా అన్నారు. పిఠాపురంలో పవన్ కల్యాణ్ గెలుపు కోసం కృషి చేస్తా అన్నారు. అయితే ముద్రగడ కూతురు క్రాంతి చేసిన వ్యాఖ్యలు ప్రస్తుతం ఏపీ పాలిటిక్స్‌లో హాట్ టాపిక్‌గా మారాయి.