AP News:మండల సర్వసభ్య సమావేశం

దిశ, మంత్రాలయం రూరల్/కోసిగి: స్థానిక ఎంపీడీవో కార్యాలయంలో మండల సర్వసభ సమావేశం జనరల్ బాడీ మీటింగ్ బుధవారం జరిగింది. ఎంపీపీ పెండేకల్లు. ఈరన్న అధ్యక్షతన,ఎంపీడీవో వెంకటేశ్వర్లు ఆధ్వర్యంలో ఈ సమావేశం నిర్వహించారు. మండలంలోని సర్పంచులు ఎంపీటీసీలు మండలంలో ఉన్న ఆయా శాఖల అధికారులతో కలిసి సమావేశం నిర్వహించారు. గతంలో పనిచేసిన, చేయవలసిన పనులు అభివృద్ధి పై చర్చించారు. చప్పగా సమావేశం సాగింది.ప్రతి గ్రామంలోనూ పారిశుద్ధ్యం, టీచర్ల కొరత, రోడ్లు తదితర సమస్యల పై సర్పంచులు గళం ఎత్తారు. జిల్లా అధికారుల దృష్టికి తీసుకెళ్లి ప్రభుత్వం నుంచి డబ్బులు వస్తే సమస్యలు పరిష్కరిస్తామని మండల అధికారులు హామీ ఇచ్చారు.ఈ కార్యక్రమంలో ఆయా గ్రామాల సర్పంచులు, ఎంపీటీసీలు, మండల అధికారులు పాల్గొన్నారు.