Ap News: మచిలీపట్నంలో అదృశ్యమైన చిన్నారుల కథ సుఖాంతం

దిశ, వెబ్ డెస్క్: మచిలీపట్నం(Machilipatnam)లో శనివారం అదృశ్యమైన చిన్నారుల(children missing)కథ సుఖాంతం అయింది. ముగ్గురు పిల్లలను నందివాడ మండలం తమ్మిరిశలో పోలీసులు గుర్తించారు. అనంతరం మచిలీపట్నం ఎస్పీ కార్యాలయానికి తరలించారు. సోమవారం తల్లిదండ్రులకు అప్పగించనున్నారు.

కాగా మచిలిపట్నం కాలేఖాన్ పేటకు చెందిన ముగ్గురు చిన్నారులు శనివారం అదృశ్యం అయ్యారు. అదే రోజు ఉదయం స్కూలుకు వెళ్లిన చిన్నారులు సాయంత్రం అయినా కానీ ఇంటి రాలేదు. దీంతో తల్లిదండ్రులు స్థానికంగా వెతికారు. కానీ కనిపించకపోవడంతో అనుగుదురుపేట పోలీసులకు ఫిర్యాదు చేశారు. దీంతో స్థానిక సీసీ టీవీ ఫుటేజులను పోలీసులు పరిశీలించారు. బృందాలుగా ఏర్పడి మచిలీపట్నంలో గాలించారు. ఆదివారం ముగ్గురు చిన్నారులను గుర్తించారు. చిన్నారులు ఒకే కుటుంబానికి చెందిన వారుకావడంతో తల్లిదండ్రులకు సమాచారం అందజేశారు. సోమవారం ఉదయం తమ పిల్లలను తీసుకెళ్లాలని ఫోన్ చేసి చెప్పడంతో ముగ్గురు చిన్నారుల మిస్సింగ్ కథకు తెరపడింది.