ఇద్దరు అయ్యప్ప భక్తులు మృతి.. పల్నాడు జిల్లాలో విషాదం

దిశ, వెబ్ డెస్క్: ఇద్దరు అయ్యప్ప భక్తులు మృతి చెందిన ఘటన పల్నాడు జిల్లాలో జరిగింది. వినుకొండ మండలం నడిగడ్డకి చెందిన భక్తులు నేల బావిలో స్నానం చేసేందుకు వెళ్లారు. అయితే లోతు ఎక్కువగా ఉండటంతో నీటిలో మునిగిపోయారు. ఊపిరాడక కొద్దిసేపటికే మృతి చెందారు. స్థానికులు గమనించి పోలీసులకు సమాచారం అందించారు. దీంతో సంఘటనా స్థలాన్ని పరిశీలించిన పోలీసులు..అయ్యప్ప భక్తుల మృతదేహాలను పోస్టుమార్టంకు తరలించారు. ఈ ఘటనతో స్థానికంగా విషాద ఛాయలు అలుముకున్నాయి.