Guntur: వారాహి యాత్రపై ఎంపీ నందిగం సురేశ్ సంచలన వ్యాఖ్యలు

దిశ, వెబ్ డెస్క్: టీడీపీ జాతీయ ప్రధాన కార్యదర్శి నారా లోకేశ్, జనసేన అధ్యక్షుడు పవన్ కల్యాణ్‌పై బాపట్ల వైసీపీ ఎంపీ నందిగం సురేశ్ విమర్శలు చేశారు. నారా లోకేశ్ పాదయాత్ర ఫెయిల్ అయిందని.. అందువల్లే పవన్ కల్యాణ్ వారాహి యాత్ర చేపట్టారని వ్యాఖ్యానించారు. లోకేశ్‌కూ, పవన్‌కు చేతనైతే ఎమ్మెల్యేలుగా గెలవాలని హితవు పలికారు. అటు అమరావతిలో జరుగుతున్న ఉద్యమంపైనా ఎంపీ సురేశ్ విమర్శలు చేశారు. నిరసన తెలుపుతున్న వాళ్లంతా పెయిడ్ ఆర్టిసులని అభివర్ణించారు. వారి దగ్గరకు వెళ్లి వైసీపీ నేతలు, ప్రభుత్వంపై టీడీపీ నేతలు ఇస్టానుసారం మాట్లాడుతున్నారని ఆగ్రహం వ్యక్తం చేశారు. ఫొటోల కోసం, తిన్నది అరగక ఉద్యమం చేస్తున్నారని ఆరోపించారు. అమరావతిలో రియల్ ఎస్టేట్ కార్యాలయాలే కనిపిస్తున్నాయని ఎద్దేవా చేశారు. చంద్రబాబును చూస్తుంటే వెన్ను పోటు పథకం గుర్తొస్తుందని ఎంపీ నందిగం సురేశ్ విమర్శించారు.