AP:మందుబాబులకు గుడ్ న్యూస్..సీఎం చంద్రబాబు కీలక నిర్ణయం
దిశ,వెబ్డెస్క్: ఏపీలో టీడీపీ కూటమి ప్రభుత్వం ఏర్పాటైంది. ఈక్రమంలో సీఎం చంద్రబాబు రాష్ట్రాభివృద్ధిపై పత్యేక ఫోకస్ పెట్టారు. ఈ నేపథ్యంలో నేడు సీఎం చంద్రబాబు పరిశ్రమలు, ఎక్సైజ్ శాఖలపై సమీక్ష సమావేశం నిర్వహించనున్నారనే విషయం తెలిసిందే. రాష్ట్రంలో మద్యం కొత్త విధానంపై ముఖ్యమంత్రి చంద్రబాబు సర్కార్ దృష్టి పెట్టింది. వైసీపీ ప్రభుత్వంలో మద్యం కుంభకోణం జరిగినట్లు గుర్తించిన కూటమి ప్రభుత్వం నూతన మద్యం విధానం అమలు చేయాలని నిర్ణయించింది. ఇప్పటికే లిక్కర్ పాలసీ పై ప్రాథమిక ప్రతిపాదనలను ఎక్సైజ్ శాఖ రూపొందించింది. ఆబ్కారీ శాఖ ప్రతిపాదనలపై నేడు (బుధవారం) ముఖ్యమంత్రి సమీక్ష నిర్వహించనున్నారు. అక్టోబర్ 1 నుంచి నూతన మద్యం విధానం అమల్లోకి తీసుకువచ్చేందుకు ప్రభుత్వం కసరత్తు చేస్తోంది. ప్రస్తుతం మద్యం విధానం సెప్టెంబర్ చివరి నాటికి ముగియనుంది. లిక్కర్ బాటిల్స్కు నకిలీ హోలోగ్రాం సీల్ విషయంపై కూడా సమావేశంలో చర్చించనున్నారు.
