Breaking: బస్సులో బంగారు బిస్కెట్ల రవాణా.. గుట్టురట్టు
దిశ, వెబ్ డెస్క్: విశాఖలో బంగారు బిస్కెట్లు కలకలం రేపాయి. టాస్క్ పోర్స్ పోలీసులు తనిఖీలు చేస్తుండగా గుర్తించారు. ఇద్దరు వ్యక్తులు ఆర్టీసీ బస్సులో బంగారు బిస్కెట్లను రవాణా చేస్తున్నారు. సమచారం అందడంతో ఆర్టీసీ బస్సును టాస్క్ ఫోర్స్ పోలీసులు సోదాలు చేశారు. ఇద్దరు వ్యక్తులు ఏడు బిస్కెట్లు తరలిస్తుండగా పట్టుకున్నారు. వారిని అదుపులోకి తీసుకుని బంగారు బిస్కెట్లను స్వాధీనం చేసుకున్నారు. భువనేశ్వర్ నుంచి హైదరాబాద్ వెళ్తున్న బస్సులో తరలిస్తుండగా టాస్క్ ఫోర్స్ పోలీసులు గుట్టురట్టు చేశారు. ఈ బంగారు బిస్కెట్లను ఇచ్చాపురం నుంచి గుంటూరుకు తరలిస్తున్నట్లు నిందితుల నుంచి సమాచారం సేకరించారు. అయితే ఈ బంగారు బిస్కెట్లు ఎక్కడికి, ఎవరికి ఇచ్చేందుకు తీసుకెళ్తున్నారనే విషయాలపై పోలీసులు ఆరా తీసుకున్నారు. ఎలాంటి ఆధారాలు లేకపోవడంతో కేసు నమోదు చేసి దర్యాప్తు చేస్తున్నారు. అక్రమంగా బంగారం, గంజాయి, నిషేధిత పదార్థాలు తరలిస్తే కఠిన చర్యలు తీసుకుంటామని పోలీసులు పేర్కొన్నారు. కఠిన సెక్షన్ల నమోదు చేసి జైలుకు తరలిస్తామని హెచ్చరించారు.
