టీడీపీ శ్రేణుల్లో నరాలు తెగుతున్న ఉత్కంఠ..! ఆ 5 నియోజక వర్గాలపై వీడని సస్పెన్స్
దిశ ప్రతినిధి, తిరుపతి: ఉమ్మడి చిత్తూరు జిల్లాలో టీడీపీ నాయకులకు నరాలు తెగుతున్న ఉత్కంఠ ఆ 5 నియోజక వర్గాల్లో ఇప్పటికీ సస్పెన్స్ వీడలేదు.జనసేన, టీడీపీ ఉమ్మడి పొత్తులో టీడీపీ పోటీ చేసే స్థానాలు తొలి జాబితా ఎప్పుడు ప్రకటిస్తారో ఏమో.. చిత్తూరు జిల్లాలో ఐదుగురికి, తిరుపతి జిల్లాలో ఇద్దరికి TDP అభ్యర్థి స్థానాలు ఇస్తూ ప్రకటించారు. చిత్తూరు టీడీపీ అభ్యర్థిగా గురజాల జగన్మోహన్‌రావు, జీడి నెల్లూరు నియోజకవర్గం అభ్యర్థిగా విఎం.థామస్‌ను కొత్తవారిని ప్రకటించారు. కుప్పం, పలమనేరు, నగరి నియోజకవర్గాల్లో పాత వారే పోటీ చేస్తున్నారు. ఇక తిరుపతి జిల్లాలో గూడూరు పాశం సునీల్‌ కుమార్‌ పేరును ప్రకటించారు.సూళ్లూరుపేటలో అనూహ్యంగా నిలబడ్డ విజరుశ్రీని కొత్త అభ్యర్థిగా పోటీ చేస్తున్నారు.
శ్రీకాళహస్తి, తిరుపతి, చంద్రగిరి, సత్యవేడు, వెంకటగిరి స్థానాలకు ప్రకటించాల్సి ఉంది. అయితే ఇప్పటికే తామే అభ్యర్థులమని శ్రీకాళహస్తిలో మాజీ మంత్రి బొజ్జల గోపాల కష్ణారెడ్డి తనయుడు బొజ్జల సుధీర్‌ రెడ్డి ఇప్పటికే ప్రచారంలో దూసుకుపోతున్నారు. అలాగే వెంకటగిరిలో మాజీ ఎమ్మెల్యే రామకృష్ణ నాయుడు ప్రచారం చేస్తున్నారు.తిరుపతి టీడీపీ స్థానానికి మాజీ ఎమ్మెల్యే సుగుణమ్మ, సీనియర్‌ నాయకులు నరసింహ యాదవ్‌, ఊక విజరు కుమార్‌, డాక్టర్‌ కోడూరు బాలసుబ్రమణ్యం, జేబీ శ్రీనివాస్‌లు పోటీలో ఉన్నారు. ఎవరిని అభ్యర్థిగా మీరు ఎన్నుకుంటారు చెప్పాలని టీడీపీ అధినేత చంద్రబాబు నాయుడు సెల్ఫోన్లో మెసేజ్‌ పంపి మరీ సర్వే చేశారు. అయితే తిరుపతి ఓటర్లు ఎవరికి మెజార్టీ ఇచ్చారో తెలియదు.
ఇక్కడ జనసేన, టీడీపీ పొత్తులో భాగంగా జనసేనకు కేటాయించాలని జనసేన అధినేత పవన్‌ కళ్యాణ్‌ కోరినట్లు తెలుస్తోంది.జనసేన కు ఈ స్థానం ఇస్తే కొణిదెల నాగబాబు, డాక్టర్‌ పసుపులేటి హరిప్రసాద్‌, కిరణ్‌ రాయల్‌ పోటీ పడుతున్నారు. ఈ స్థానం ఎవరికి దక్కుతుందో చూడాలి మరి. అలాగే చంద్రగిరి నియోజకవర్గంలో ఇప్పటికే పులివర్తి నాని నియోజకవర్గంలో గడప గడప తిరిగేసారు. పులివర్తి నాని సతీమణి పులివర్తి సుధా రెడ్డి కూడా ముమ్మరంగా ప్రచారం చేస్తున్నారు.చంద్రగిరి నుంచి టీడీపీ తరపున పులివర్తి నాని, డాలర్‌ దివాకర్‌ రెడ్డి, బడి సుధా యాదవులు ముమ్మరంగా పోటీపడుతున్నారు. మొదటి జాబితాలో పేరు ప్రకటించకపోవడంతో ఈ నియోజకవర్గంలో టీడీపీ కార్యకర్తల్లో ఉత్కంఠ నెలకొంది.
సత్యవేడు లోనూ ముగ్గురు తీవ్రంగా పోటీ పడుతున్నారు. వారిలో మాజీ ఎమ్మెల్యే హేమలత కూతురు డాక్టర్‌ హెలెన్‌, 2019లో పోటీ చేసి ఓడిపోయిన జెడ్డా రాజశేఖర్‌, వైసిపి సిట్టింగ్‌ ఎమ్మెల్యే ఆదిమూలం ఇటీవలే ఎదురు తిరిగి టిడిపి పక్షాన చేరబోతున్నారు.వీరి ముగ్గురు టీడీపీ సీటు ఆశిస్తున్నారు. పుంగనూరు నియోజకవర్గంలో టీటీడీ బోర్డు మాజీ సభ్యుడు చల్లా రామచంద్రారెడ్డి ఇప్పటికే ప్రచారం చేసుకుంటున్నారు. ఇటీవల బిఎస్‌వైపి పార్టీ స్థాపించిన రామచంద్ర యాదవ్‌ కూడా పొత్తులో భాగంగా టికెట్‌ ఆశిస్తున్నారు. పుంగనూరు నియోజకవర్గంలోని టిడిపి శ్రేణుల్లో టెన్షన్‌ మొదలైంది.
పూతలపట్టు నియోజకవర్గంలో ప్రముఖ జర్నలిస్టు డాక్టర్‌ మురళి మోహన్‌ ఇప్పటికే ప్రచారంలో మునిగిపోయారు. ఊరు వాడ అంతా తిరిగే చేస్తున్నారు. పూతలపట్టు బహిరంగ సభలోను డాక్టర్‌ మురళీమోహన్‌ని ఆశీర్వదించాలని స్వయంగా టిడిపి అధినేత చంద్రబాబు నాయుడు ప్రకటించారు. అయినా మొదటి జాబితాలో మురళి పేరు రాకపోవడం ఉత్కంఠ నెలకొంది. ఏదేమైనాప్పటికీ ఈ ఐదుచోట్ల టీడీపీ శ్రేణుల్లో, పార్టీ మద్దతు దారుల్లో టెన్షన్‌ నెలకొంది.
Read More..
