బిగ్ బ్రేకింగ్.. తిరుమల నడకమార్గంలో మళ్లీ చిరుత కలకలం.. భయంలో భక్తులు

దిశ, వెబ్‌డెస్క్: తిరుమలలో మరోసారి చిరుత కలకలం రేపింది. అలిపిరి నడకమార్గంలో శుక్రవారం రాత్రి చిరుత సంచరించింది. ట్రాప్ కెమెరాల్లో చిరుతను టీటీడీ అధికారులు గర్తించారు. శ్రీలక్ష్మీనారాయస్వామి దేవాలయం వద్ద చిరుతతో పాటు ఎలుగుబంటి కూడా సంచరిస్తున్నట్లు కెమెరాల్లో రికార్డ్ అయింది. దీంతో టీటీడీతో పాటు అటవీ అధికారులు వెంటనే అప్రమత్తమయ్యారు.

భక్తులను అధికారులు అప్రమత్తం చేశారు. చిరుత, ఎలుగుబంటిని బంధించేందుకు చర్యలు చేపట్టాలని నిర్ణయించారు. ఇందుకోసం సమీప ప్రాంతాల్లో బోన్లు ఏర్పాటు చేసేందుకు సిద్దమవుతున్నారు. గతంలో నడకమార్గంలో చిరుత దాడి చేయడంతో చిన్నారి మరణించిన ఘటన సంచలనం రేపింది. ఆ తర్వాత మూడు చిరుతలను బోన్‌కు చిక్కాయి. ఇప్పుడు మరోసారి చిరుతల జాడ కనిపించడంతో భక్తుల్లో భయాందోళన మొదలైంది.