మంత్రి రోజా పై చంద్రబాబు నాయుడు సెటైర్లు

దిశ, వెబ్‌డెస్క్: టీడీపీ అధినేత చంద్రబాబు నాయుడు మంత్రి రోజా పై సెటైర్లు వేశారు. పశ్చిమగోదావరి జిల్లాలో ఈ రోజు జరిగిన సభలో వైసీపీ మంత్రులపై చంద్రబాబు నాయుడు తనదైన స్టైల్ లో సెటైర్లు వేశారు. పెట్టుబడులు అంటే కోడిగుడ్డు అనే వ్యక్తి ఐటీ మంత్రిగా, డయాఫ్రం వాల్ అంటే తెలియని వ్యక్తి ఇరిగేషన్ మంత్రిగా రాష్ట్రంలో కొనసాగుతున్నారని ఎద్దేవ చేశారు. అలాగే ధాన్యానికి సంచులు ఇవ్యలేని మంత్రి పౌరసరఫరాల శాఖ మంత్రి. కోర్టు ఫైళ్లు లేపేసేవాడు వ్యవసాయ మంత్రిగా, గనులు మింగేవాడు గనుల శాఖ మంత్రిగా కొనసాగుతున్నాడు అని ఘాటు విమర్శలు చేశారు. అలాగే న్యూయర్ వేడుకల్లో క్లబ్‌లో డ్యాన్సులేసే ఆమె మహిళా సంక్షేమ గురించి మాట్లాడుతోంతదని చంద్రబాబు విమర్శలు గుప్పించారు. కాగా వారం క్రితం మంత్రి రోజా న్యూయర్ వేడుకల్లో మోడ్రన్ డ్రేసుల్లో ఓ ప్రైవేట్ క్లబ్ లో డాన్స్ చేసిన వీడియో వైరల్ గా మారిన విషయం మనకు తెలిసిందే. ఈ వీడియో పై మంత్రి రోజా కూడా స్పందించలేదు.