ప్రచారం ముగిసిన వేళ రాష్ట్ర ప్రజలకు చంద్రబాబు కీలక పిలుపు
దిశ, వెబ్‌డెస్క్: అసెంబ్లీ, పార్లమెంట్ ఎన్నికల ప్రచార గడువు శనివారం సాయంత్రం 6 గంటలకు ముగిసింది. దీంతో ఏపీలో మైక్‌లు మూగబోయాయి. ఈ సందర్భంగా టీడీపీ చీఫ్ చంద్రబాబు నాయుడు ట్విట్టర్ వేదికగా ఏపీ ప్రజలకు కీలక పిలుపునిచ్చారు. ‘రాష్ట్ర దశ, దిశను మార్చే ఎన్నికల పోలింగ్ తేదీ దగ్గర పడింది. మే 13 వ తేదీన ప్రతి ఒక్కరూ తమ ఓటు హక్కు వినియోగించుకోవాలి. ఉపాధి, ఉద్యోగ అవసరాల కోసం పొరుగు రాష్ట్రాల్లో ఉన్న ప్రజలు.. ఓట్లు వేసేందుకు సొంత ఊళ్లకు తరలిరావాలి. ప్రజా చైతన్యం వెళ్లి విరియాలి. రాష్ట్ర భవిష్యత్‌ను మార్చేందుకు మీ ఓటే కీలకం. మీతో పాటు మరో నలుగురు కూడా తమ ఓటు హక్కు వినియోగించుకునేలా వారిని ప్రోత్సహించండి. మీ భవిష్యత్తును, మీ రాష్ట్ర భవిష్యత్తును మార్చేది మీరు వేసే ఓటే. నిర్భయంగా, నిజాయితీగా, స్వేచ్ఛగా ప్రతి ఒక్కరూ తమ ఓటు హక్కును వినియోగించుకోవాలని కోరుతున్నాను.’ అని ట్వీట్ చేశారు.
Read More..
ఎల్లుండి అన్ని కంపెనీలకు వేతనంతో కూడిన సెలవు ఇవ్వకపోతే సంస్థలకు చర్యలు తప్పవు: ఈసీ హెచ్చరిక
