విశాఖ నుంచి బరిలో జీవీఎల్.. ప్లాన్ రివీల్..!

దిశ, వెబ్ డెస్క్: విశాఖ నుంచి ఎంపీ అభ్యర్థిగా తాను పోటీ చేయనున్నట్లు బీజేపీ ఎంపీ జీవీఎల్ నరసింహారావు తెలిపారు. బీజేపీ హైకమాండ్ ఆదేశాల మేరకే తాను విశాఖలో రాజకీయాలు చేస్తున్నట్లు ఆయన స్పష్టంచేశారు. విశాఖ నుంచి ఎంపీగా పోటీ చేస్తానని ఇప్పటికే బీజేపీ హైకమాండ్‌కు చెప్పానన్నారు. విశాఖ ఎంపీ టికెట్ తనకే కచ్చితంగా వస్తుందని జీవీఎల్ వెల్లడించారు. ఇక తన పోటీపై తుది నిర్ణయం బీజేపీ అధిష్టానానిదేనని జీవీఎల్ పేర్కొన్నారు. దక్షిణాది రాష్ట్రాల్లో ప్రధాని మోడీ 4 రోజులు పాటు పర్యటించనున్నారని తెలిపారు. ఈ నెల 17న ఏపీ ప్రధాని వస్తున్నారని చెప్పారు. వచ్చే ఎన్నికల్లో ఎన్డీయే కూటమి అధికారంలోకి వస్తుందని జోస్యం చెప్పారు. తెలుగు రాష్ట్రాల్లో బీజేపీ బలోపేతం అవుతుందన్నారు. విశాఖ సమస్యలపై పార్లమెంట్‌లోనూ చాలా సార్లు ప్రస్తావించినట్లు ఎంపీ జీవీఎల్ పేర్కొన్నారు.