Breaking: క్రికెట్ బెట్టింగ్ గ్యాంగ్ అరెస్ట్.. భారీగా డబ్బు, కారు సీజ్
దిశ, వెబ్ డెస్క్: సత్యసాయి జిల్లాలో క్రికెట్ బెట్టింగ్ ముఠాను పోలీసులు అరెస్ట్ చేశారు. ఐపీఎల్ బెట్టింగ్ నిర్వహిస్తున్న 8 మందిని విచారిస్తున్నారు. వారి నుంచి 10 లక్షల రూపాయలతో పాటు ఒక కారు, 14 సెల్ ఫోన్లు, రెండు ల్యాప్ టాప్లను స్వాధీనం చేసుకున్నారు. నిందితులు విజయవాడకు చెందిన వారిగా గుర్తించారు. క్రికెట్ బెట్టింగులకు పాల్పడితే కఠిన చర్యలు తీసుకుంటామని పోలీసులు హెచ్చరించారు.
కాగా చెన్నై సూపర్ కింగ్స్, గుజరాత్ టైటాన్స్ మధ్య ఫైనల్ మ్యాచ్ జరగాల్సి ఉంది. వర్షం కారణంగా నిన్న జరగాల్సిన మ్యాచ్ ఈ రోజు రాత్రి 7.30 గంటలకు జరగనుంది. దీంతో బెట్టింగ్ రాయుళ్లు రెచ్చిపోతున్నారు. వందలు, వేలు, లక్షలు, కోట్లు బెట్టింగులు నిర్వహిస్తున్నారు. ఈ బెట్టింగుల్లో డబ్బులు పోగొట్టుకున్న కొంతమంది ఇటీవల ఆత్మహత్యలు చేసుకున్నారు. ఈ నేపథ్యంలో పోలీసులు బెట్టింగులపై పటిష్ట నిఘా పెట్టారు. బెట్టింగ్ నిర్వహిస్తున్నట్లు సమాచారం వస్తే వెంటనే దాడులు నిర్వహిస్తున్నారు. ఇందులో భాగంగానే ఇవాళ కూడా బెట్టింగ్ శిబిరంలో తనిఖీలు చేసి నిందితులను అదుపులోకి తీసుకున్నారు.
