వైట్ టైగర్ కుమారి మృతి

దిశ, ఉత్తరాంధ్ర: విశాఖపట్టణం ఇందిరాగాంధీ జూ పార్కు లో తెలుపు రంగు పులి కుమారి మృతి చెందింది. మల్టీ ఆర్గాన్ ఫెయిల్యూర్ తో మృతి చెందినట్లుగా జూ యానిమల్ వైద్యులు నిర్ధారించారు. ఈ వైట్ టైగర్ 2004లో హైదరాబాద్ జూపార్క్ లో జన్మించింది. విశాఖ జూలో పర్యాటకులను కనువిందు చేసేందుకు వైట్ టైగర్ ను అప్పట్లో తీసుకొచ్చారు. 18 సంవత్సరాలుగా సందర్శకులకు అలరించి వినోదాన్ని పంచిన వైట్ టైగర్ కుమారి మృతితో జూ సిబ్బంది కన్నీటి పర్యంతమయ్యారు. వైట్ టైగర్ తో తమ అనుబంధాన్ని గుర్తు చేసుకున్నారు.