జనసేన చీఫ్ పవన్ కల్యాణ్‌కు అరుదైన గౌరవం
దిశ, వెబ్‌డెస్క్: జనసేన అధినేత, స్టార్ హీరో పవన్ కల్యాణ్‌కు అరుదైన గౌరవం దక్కింది. ఉత్తరప్రదేశ్‌లో ప్రతిష్టాత్మకంగా నిర్మిస్తోన్న అయోధ్య రామమందిర ప్రారంభోత్సవానికి రావాలని పవన్ కల్యాణ్‌కు ఆహ్వానం అందింది. ఈ మేరకు ఇవాళ ఆర్ఎస్ఎస్ ప్రాంత సంపర్క ప్రముఖ్ ముళ్లపూడి జగన్ ఆహ్వాన పత్రికను పవన్‌కు అందించారు. కాగా, ఈ నెల 22వ తేదీన అయోధ్య రామమందిరంలో ప్రాణప్రతిష్ట కార్యక్రమం జరగనున్న విషయం తెలిసిందే.
ఈ వేడుకకు దేశ, విదేశాల నుండి ప్రముఖులు హాజరు కానున్నారు. ప్రతిష్టాత్మకంగా చేపడుతోన్న ఈ కార్యక్రమానికి రావాలని శ్రీరామ జన్మభూమి తీర్థ క్షేత్ర ట్రస్ట్ ప్రముఖులకు ఇన్విటేషన్లు పంపుతోంది. అలాంటి ఈ వేడుకకు రావాలని ఆహ్వానం అందుకుని పవన్ కల్యాణ్ అరుదైన గౌరవం దక్కించుకున్నారు. కాగా, సౌత్ సినీ ఇండస్ట్రీ నుండి కేవలం సూపర్ స్టార్ రజినీకాంత్, పవన్ కల్యాణ్‌కు మాత్రమే ఇన్విటేషన్లు రావడం గమనార్హం.
