ఆ హీరోయిన్ ప్లేస్ కొట్టేసిన అనసూయ

దిశ, వెబ్ డెస్క్: జబర్ధస్త్ కామెడీ షోతో అభిమానులకు దగ్గరైంది యాంకర్ అనసూయ. ప్రస్తుతం వరుస సినిమాలు, షోలతో ఫుల్ బిజీగా ఉంది. ఇప్పటికే రామ్ చరణ్, సుకుమార్ కాంబినేషన్‌లో వచ్చిన రంగస్థలం సినమాలో రంగమ్మత్తగా నటించి అందరి మన్ననలు పొందింది. ముఖ్యంగా నాగార్జున హీరోగా నటించిన ‘సోగ్గాడే చిన్నినాయనా’ సినిమాలో ఆమె హుషారైన నటన అందరినీ కట్టిపడేసింది. ఆ తర్వాత ‘క్షణం’లో విలన్‌గా ఆకర్షించింది. ప్రస్తుతం తెలుగు దర్శక, నిర్మాతలు అనసూయను దృష్టిలో పెట్టుకొని పలు స్టోరీలను రెడీ చేస్తున్నారు. అంతేకాదు పవన్ కళ్యాణ్, క్రిష్ మూవీలో కూడా ఈమె ఇంపార్టెంట్ రోల్ చేయనున్నట్టు వార్తలు వస్తున్నాయి. తాజాగా ఈమెకు ఓ సినిమాలో మంచి పాత్ర ఆఫర్ వచ్చిందట.

కరోనా ఎఫెక్ట్‌తో వేరే భాషల నటులు మన తెలుగు సినిమాల్లో చేసే అవకాశం లేకుండా పోయింది. తాజాగా నటి ఇంద్రజకు ఓ ఆఫర్ వచ్చింది. ప్రస్తుతం ఈమె చెన్నైలో ఉంటుంది. ఈమె సుమంత్ అశ్విన్ హీరోగా గురు పవన్ దర్శకత్వంలో తెరకెక్కుతోన్న చిత్రంలో కీలక పాత్రలో నటించాల్సి ఉంది. కరోనా కారణంగా ఈమె ఈ సినిమాలో యాక్ట్ చేసే అవకాశం లేకుండా పోయింది. తాజాగా ఈమె ప్లేస్‌లో అనసూయ‌ను తీసుకున్నట్టు సమాచారం. ఈ పాత్రలో అనసూయ యాక్ట్ చేస్తుండటంతో నిర్మాతలు ఆమెకు కాస్తా ఎక్కువగానే ముట్టజెప్పబోతున్నట్టు సమాచారం. మొత్తంగా అనసూయ యాక్ట్ చేయడంతో ఈ సినిమాపై మంచి అంచనాలు పెరిగాయి.