బీజేపీపై ఈసీకి ఫిర్యాదు చేయనున్న టీఆర్ఎస్

దిశ, వెబ్‌డెస్క్: దుబ్బాక ఉప ఎన్నికల తాజా పరిణామాలపై టీఆర్ఎస్ పార్టీ సీరియస్‌గా ఉన్నట్టు తెలుస్తోంది. బీజేపీ తీరును నిరసిస్తూ ఎన్నికల కమిషన్‌కు ఫిర్యాదు చేయనుంది. బీజేపీ అభ్యర్థి బంధువుల ఇంట్లో దొరికిన డబ్బుల వ్యవహారంపై టీఆర్ఎస్ బృందం మంగళవారం ఈసీని కలవనుంది. బీజేపీ తప్పుడు ప్రచారాలపై ఈసీ, పోలీసులకు ఫిర్యాదు చేయాలని పార్టీ కార్యకర్తలకు మంత్రి హరీశ్ రావు పిలుపునిచ్చారు.

అంతేగాకుండా సిద్దిపేట జిల్లా తొగుట మండలంలో టీఆర్ఎస్‌కు మద్దతుగా యువజన సంఘం ఆధ్వర్యంలో భారీ ర్యాలీ నిర్వహించనున్నారు. అనంతరం భారీ సదస్సు ఏర్పాటు చేయనున్నారు. ఈ సదస్సుకు మంత్రి హరీశ్ రావు హాజరుకానున్నారు. టీఆర్ఎస్‌పై బీజేపీ దుష్ప్రచారం చేస్తోందని వెల్లడించారు.