కరీంనగర్ జైలు పరిసర ప్రాంతాల్లో 144 సెక్షన్

దిశ, కరీంనగర్ బ్యూరో: కరీంనగర్ జైలు పరిసర ప్రాంతాల్లో ఉదయం 6 గంటల నుండి ఐబీ చౌరస్తా, గ్రేవ్ యార్డ్, జైలు పరిసర ప్రాంతాలు, వెంకటేశ్వర టెంపుల్ ప్రాంతాల్లో 144 సెక్షన్ విధించినట్లు కరీంనగర్ సీపీ సుబ్బరాయుడు తెలిపారు. ఈ సందర్భంగా ఆ పరిసర ప్రాంతాల్లో ప్రజలు ఎవరు గుమి కూడా రాదని, ఊరేగింపులు తీయరాదని, సమావేశాలు నిర్వహించరాదని తెలిపారు. అంతేకాకుండా ఆ చుట్టు పక్కల ట్రాఫిక్ మళ్లింపు కూడా ఉన్నందున అటువైపు వాహనాలు కూడా అనుమతించబడవని తెలిపారు. ప్రజలందరూ దీన్ని గమనించి పోలీసులకు సహకరించాలని సీపీ కోరారు.