40 ఏళ్ల చరిత్ర తిరగ రాసిన భువనగిరి కాంగ్రెస్

దిశ, భూదాన్ పోచంపల్లి : తెలంగాణ రాష్ట్రంలో అసెంబ్లీ ఎన్నికల ఫలితాలు అత్యంత ఉత్కంఠగా కొనసాగుతున్నాయి. రాష్ట్రం ఏర్పడిన తర్వాత బీఆర్ఎస్ పార్టీ కంచుకోటను బద్దలు కొట్టి రాష్ట్రంలో సింగిల్ హ్యాండ్ తో కాంగ్రెస్ పార్టీ ప్రభుత్వం ఏర్పాటు చేసేందుకు ముందంజలో ఉంటూ తెలంగాణ చరిత్రలో సరికొత్త రికార్డ్ నెలకొల్పనుంది. ఇటు భువనగిరిలో 40 ఏళ్ల చరిత్ర తిరగరాస్తున్నందుకు , భువనగిరి కాంగ్రెస్ అభ్యర్థి కుంభం అనిల్ కుమార్ రెడ్డి గెలుస్తున్నందుకు కాంగ్రెస్ శ్రేణులు ఆదివారం పట్టణంలో బ్లాక్ కాంగ్రెస్ అధ్యక్షులు తడక వెంకటేశం ఆధ్వర్యంలో జరుగుతున్న విజయోత్సవ సంబురాలు అంబరాన్నంటాయి.

దశాబ్దాలుగా ఎదురుచూస్తున్న కల నెరవేరుతుండడంతో కాంగ్రెస్ శ్రేణులు, కార్యకర్తలు పెద్దఎత్తున బాణా సంచాలు కాలుస్తూ పెద్ద పెద్ద జెండాలతో ర్యాలీగా పురవీధుల గుండా జై కాంగ్రెస్ అంటూ నినాదాలు చేస్తూ ఆనందాన్ని వ్యక్తం చేస్తూ స్వీట్లు పంచుకున్నారు. ఈ కార్యక్రమంలో భారత వాసుదేవ్ మెరుగు యతినందం, తడక గౌరీ శంకర్, మాక్తాల వెంకటేశం, కీర్తి సంజు, రుద్ర చంద్రప్రకాష్ భోగ గణేష్, కట్కురి పాండు, భోగ కుమార్, కుక్క కుమార్, సూరేపల్లి వాసు పార్టీ శ్రేణులు అభిమానులు పాల్గొన్నారు.