ట్రాక్టర్ అదుపు తప్పి వ్యక్తి మృతి

దిశ, గరిడేపల్లి: ట్రాక్టర్ అదుపు తప్పి వ్యక్తి మృతి చెందిన సంఘటన ఆదివారం సూర్యాపేట జిల్లా గరిడేపల్లి మండల పరిధిలోని ఎల్బినగర్ గ్రామంలో జరిగింది. స్థానిక ఏఎస్ఐ రాములు నాయక్ తెలిపిన వివరాల ప్రకారం..చిలుకూరు మండలం జెర్రిపోతులగూడెం గ్రామానికి చెందిన షేక్ బాబా (37) అదే గ్రామానికి చెందిన షేక్ పాషా ట్రాక్టర్ కి బోరెంలో వరి ధాన్యం పోశాడని, ఆయా ధాన్యాన్ని మిర్యాలగూడ వెళ్ళి రైస్ మిల్ లో వరి ధాన్యం దిగుమతి చేసి..తిరిగి వచ్చే క్రమంలో ఎల్బీ నగర్ గ్రామ శివారు అదుపు తప్పి మృతి చెందాడని అన్నారు. గమనించిన స్థానికులు మృతుడిని హుజూర్ నగర్ ప్రభుత్వ ఆస్పత్రికి తరలించగా..డాక్టర్ పరిశీలించి అప్పటికే మరణించినట్లు తెలిపారు. మృతుడి భార్య షేక్ రేష్మ ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు ఏఎస్ఐ రాములు నాయక్ తెలిపారు. కాగా మృతుడికి ఇద్దరు పిల్లలు ఉన్నారు.