నిర్లక్ష్యం.. నీటి వృథా

దిశ, భూదాన్ పోచంపల్లి: నీటిని వృధా చేయకుండా పొదుపుగా వినియోగించుకోవాలంటూ ప్రభుత్వం సూచిస్తుంది. కానీ క్షేత్రస్థాయిలో మాత్రం అమలుకు నోచుకోవడం లేదు.భూదాన్ పోచంపల్లి పురపాలక కేంద్రంలోని మాధవరెడ్డి చౌరస్తా వద్ద ట్యాంకు వద్ద తాగునీరు గత కొంత కాలంగా వృథాగా పోతుంది. అధికారుల పర్యవేక్షణ పూర్తి స్థాయిలో లేకపోవడంతో లీకేజీలు, కుళాయిలకు బిరడాలు లేక వృథా అవుతున్నాయి. నీటి వృధా పై అధికారులు చూసి చూడనట్లుగా నిర్లక్ష్యంగా వ్యవహరిస్తున్నారు. తక్షణమే అధికారులు స్పందించి బిరడాలను ఏర్పాటు చేసి నీటి వృథాను అరికట్టాలని స్థానికులు కోరుతున్నారు.