లారీ బోల్తా.. క్లీనర్ మృతి
సూర్యాపేట- జనగాం జాతీయ రహదారిపై అతివేగంతో డివైడర్ ను బలంగా ఢీకొట్టి లారీ బోల్తా పడిన ఘటనలో ఒకరు మృతి చెందిన ఘటన తిరుమలగిరి అంబేద్కర్ నగర్ సమీపంలో మంగళవారం చోటుచేసుకుంది.
దిశ, తుంగతుర్తి: సూర్యాపేట- జనగాం జాతీయ రహదారిపై అతివేగంతో డివైడర్ ను బలంగా ఢీకొట్టి లారీ బోల్తా పడిన ఘటనలో ఒకరు మృతిచెందిన ఘటన తిరుమలగిరి అంబేద్కర్ నగర్ సమీపంలో మంగళవారం చోటుచేసుకుంది. వివరాల్లోకి వెళితే.. ఉమ్మడి మెదక్ జిల్లా నరసాపురం ప్రాంతం నుంచి ఆంధ్రప్రదేశ్ రాష్ట్రంలోని తాడేపల్లిగూడెంకు వడ్ల లోడుతో వేగంగా వెళ్తున్న లారీ మంగళవారం తెల్లవారుజామున అంబేద్కర్ నగర్ లో అదుపుతప్పి డివైడర్ ను బలంగా ఢీకొట్టింది. ఈ ఘటనలో లారీలో ఉన్న క్లీనర్ శివ (27) అక్కడికక్కడే మృతి చెందగా, డ్రైవర్ మురళికి తీవ్ర గాయాలయ్యాయి. కాగా, చికిత్స నిమిత్తం మురళిని సూర్యాపేట ఏరియా ఆసుపత్రికి తరలించారు. శివ మృతదేహాన్ని పోస్టుమార్టం నిమిత్తం తుంగతుర్తి ప్రభుత్వాసుపత్రికి తరలించి కేసు నమోదు చేసుకొని దర్యాప్తు చేస్తున్నామని తిరుమలగిరి ఎస్సై శివకుమార్ తెలిపారు.