నా ఆశయం నెరవేరింది.. కోమటిరెడ్డి రాజగోపాల్ రెడ్డి

దిశ, సంస్థాన్ నారాయణపురం : తాను ఏ ఆశయం కోసం అయితే కేసీఆర్ పై కొట్లాడానో నేడు ఆ లక్ష్యం నెరవేరిందని మునుగోడు కాంగ్రెస్ పార్టీ అభ్యర్థి కోమటిరెడ్డి రాజగోపాల్ రెడ్డి అన్నారు. బీఆర్ఎస్ పార్టీ అభ్యర్థి కూసుకుంట్ల ప్రభాకర్ రెడ్డి పై 42 వేల మెజార్టీతో విజయం సాధించిన అనంతరం కోమటిరెడ్డి రాజగోపాల్ రెడ్డి ఆదివారం మీడియాతో మాట్లాడారు.

తెలంగాణ రాష్ట్ర ప్రజలు విముక్తి పొందారని తెలంగాణ ఇచ్చిన సోనియా గాంధీ రుణాన్ని తెలంగాణ ప్రజలు తీర్చుకున్నారని అన్నారు. మునుగోడు ఉపఎన్నికల్లో తాను ఏ లక్ష్యం కోసమైతే పార్టీ మారానో అప్పుడు మునుగోడు ప్రజలు నా నిర్ణయాన్ని తిరస్కరించినా నేడు తాను తీసుకున్న నిర్ణయాన్ని మునుగోడు ప్రజలు సమర్థించారన్నారు. నీతివంతమైన పాలనకు తెలంగాణ ప్రజలు పట్టం కట్టారని అన్నారు. తనను అత్యధిక మెజార్టీతో గెలిపించిన మునుగోడు ప్రజలకు ధన్యవాదాలు తెలిపారు.