ట్రాక్టర్ బోల్తా పడి డ్రైవర్ మృతి

దిశ, శామీర్ పేట: ట్రాక్టర్ బోల్తా పడి ఓ వ్యక్తి మృతి చెందిన సంఘటన శామీర్ పేట పోలీస్ స్టేషన్ పరిధిలో శుక్రవారం జరిగింది. పోలీసులు, స్థానికుల కథనం ప్రకారం.. పొన్నాల గ్రామానికి చెందిన వీరన్న గారి నరసింహ (55) అనే వ్యక్తి ట్రాక్టర్ బోల్తా పడి మృతి చెందాడు. ఓనర్, డ్రైవర్ అద్దెకు వెళ్లి పొలం దున్నుతుండగా ట్రాక్టర్ మొరం ఎక్కడంతో ఒక్కసారిగా బోల్తా పడింది. ఈ ఘటనలో డ్రైవర్ అక్కడికక్కడే మృతి చెందాడు. స్థానికుల సమాచారం మేరకు ఘటనా స్థలానికి చేరుకున్న పోలీసులు మృతదేహాన్ని పోస్టుమార్టం నిమిత్తం గాంధీ ఆస్పత్రికి తరలించారు. కుటుంబ సభ్యుల ఫిర్యాదు మేరకు కేసు నమోదు చేసుకున్న పోలీసులు దర్యాప్తు చేస్తున్నట్లు తెలిపారు.

Also Read

ఘోర అగ్నిప్రమాదం.. ఆరుగురు సజీవదహనం..