Mega Family: ఫ్యామిలీతో కలిసి నాగబాబు నివాసానికి అల్లు అర్జున్‌

దిశ, వెబ్‌డెస్క్: మెగా హీరో, జనసేన పార్టీ ప్రధాన కార్యదర్శి నాగబాబు(Nagababu) నివాసానికి ఐకాన్ స్టార్ అల్లు అర్జున్(Allu Arjun) వచ్చారు. జైలు నుంచి విడుదలైన నేపథ్యంలో ఆదివారం స్వయంగా వెళ్లి కలిశారు. ఈ సదర్భంగా కేసుకు సంబంధించిన వివరాలను నాగబాబు అడిగి తెలుసుకున్నారు. అంతకుముందు చిరంజీవి(Chiranjeevi)ని కలిశారు. చిరు కుటుంబంతో సుమారు గంటపాటు సమయం గడిపారు. తాజా పరిణామాలపై వీరు చర్చించుకున్నట్లు సమాచారం. ఇదిలా ఉండగా.. ‘పుష్ప-2’ ప్రీమియర్ షో సందర్భంగా హైదరాబాద్‌లోని సంధ్య థియేటర్‌ వద్ద జరిగిన తొక్కిసలాట ఘటనలో పోలీసులు అల్లు అర్జున్‌ను అరెస్ట్‌ చేశారు. ఆ రాత్రంతా ఆయన చంచల్‌గూడ జైలులో ఉన్నారు. హైకోర్టు మధ్యంతర బెయిల్‌ మంజూరు చేయడంతో శనివారం ఉదయం విడుదలయ్యారు.