విస్కీ ఐస్క్రీం కేసులో బిగ్ ట్విస్ట్

దిశ, వెబ్ డెస్క్ : హైదరాబాద్(HYDERABAD) లో కలకలం రేపిన విస్కీ ఐస్క్రీం కేసులో మరో కోణం వెలుగు చూసింది. ఐస్క్రీంలో విస్కీ కలిపి అమ్ముతున్నారంటూ జూబ్లీహిల్స్ అరికో ఐస్క్రీం పార్లర్ మీద ఎక్సైజ్ అధికారులు దాడులు చేసిన సంగతి తెలిసిందే. ఈ కేసులో పార్లర్ యజమానులు దయాకర్ రెడ్డి, శోభన్ లను పోలీసులు ఇప్పటికే అరెస్ట్ చేశారు. కాగా ఈ కేసులో నిందితులు వాదన ప్రకారం.. తాము ఐస్క్రీంలో ఎలాంటి మత్తు పదార్థాలు కలపలేదని, పోలీసులు దాడి చేసినప్పటి ఐస్క్రీం ఒక కస్టమర్ ఆర్డర్ చేస్తే వారికోసం మాత్రమే తయారు చేశామని చెప్పుకొచ్చారు. అయితే నగర వ్యాప్తంగా జోరుగా అమ్మకాలు సాగిస్తున్న ఈ పార్లర్ సోషల్ మీడియా వేదికగా భారీగా ఆర్డర్లు తీసుకొని, డెలివరీ చేస్తున్నట్లు పోలీసులు ప్రాథమికంగా నిర్ధారించారు. వీకెండ్ పార్టీలకు మత్తుమందు కలిపిన ఐస్క్రీంలు, చాక్లెట్లు భారీగా అమ్మినట్టు గుర్తించారు. ఇప్పటికే ఈ పార్లర్ ను సీజ్ చేయగా.. నగరంలో ఇంకా ఎక్కడైనా వీరి బ్రాంచీలు ఉన్నాయా.. ఇంకా ఏమైనా మత్తు మందు కలుపుతున్నారా, ఇప్పటి వరకు ఎంతమందికి ఇలా మత్తు మందు కలిపిన పదార్థాలు విక్రయించారు అనే కోణంలో పోలీసులు దర్యాప్తు చేస్తున్నారు.