జిల్లా పరిషత్ పాఠశాలలో ఘనంగా గణిత దినోత్సవం..

దిశ, కూకట్​పల్లీ: కూకట్​పల్లి జిల్లా పరిషత్ ​పాఠశాలలో గణిత శాస్త్ర దినోత్సవం ఘనంగా నిర్వహించారు. ఈ సందర్భంగా గణిత శాస్త్ర పితామహుడు, శాస్త్రవేత్త శ్రీనివాస రామానుజన్​చిత్రపటానికి పూలు చల్లి నివాళులర్పించారు. ఈ సందర్భంగా పాఠశాల ఇన్​చార్జి ప్రధానోపాధ్యాయురాలు విజయలక్ష్మి మాట్లాడుతూ.. గణిత శాస్త్ర ప్రతిభను ప్రపంచానికి తెలియజేసిన గణిత శాస్త్రవేత్త శ్రీనివాస రామానుజన్‌ అని కొనియాడారు. శ్రీనివాస రామానుజన్​గణితంలో అసాధారణ మేధాసంపత్తి కలవాడని, గణితశాస్త్రంలో రామానుజన్ ప్రపంచ ప్రసిద్ధి చెందాడన్నారు.

ఆయన సంఖ్యా వాదానికి చెందిన పరిశోధనలు ఎంతో ప్రాముఖ్యత కలవని అన్నారు. గణిత ఉపాధ్యాయులు పి. నర్సింహులు మాట్లాడుతూ.. విద్యార్థులు శ్రీనివాస రామానుజన్​ను స్ఫూర్తిగా తీసుకొని గణితంలో బాగా రాణించాలని అన్నారు. ఈ సందర్భంగా విద్యార్థులు గణిత గుర్తులు +, -, ÷, ×, రామానుజన్ నెంబర్ 1729 ఆకారంలో కూర్చోవడం అందరినీ ఆకట్టుకుంది. ఈ కార్యక్రమంలో గణిత ఉపాధ్యాయులు మంజుల వాణి, దమయంతి, శ్రీనివాసులు, ఉపాధ్యాయులు, విద్యార్థులు పాల్గొన్నారు.