Breaking News: ఆర్టీసీ బస్సు ఢీకొని వ్యక్తి మృతి

దిశ, పెద్దపల్లి: పెద్దపల్లి జిల్లాలో ఘోర ప్రమాదం చోటుచేసుకుంది. బుధవారం రాత్రి జిల్లాలోని మంథని ఫ్లై ఓవర్ బ్రిడ్జి వద్ద బైకు, ఆర్టీసీ బస్సు ఢీకొనడంతో బైకుపై వస్తోన్న వ్యక్తి అక్కడికక్కడే మృతి చెందాడు. బస్సులో ఉన్న ప్రయాణికుల సమాచారంతో హుటాహుటిన ఘటనా స్థలానికి చేరుకున్న పోలీసులు ప్రమాదం జరిగిన తీరుపై ఆరా తీశారు. కరీంనగర్ డిపో-2కు చెందిన బస్సు గోదావరిఖని నుంచి కరీంనగర్‌ వైపు వెళ్తుండగా ప్రమాదవశాత్తు ఎదురుగా వస్తోన్న ద్విచక్ర వాహనాన్ని ఢీ కొనడంతో గుంపుల గ్రామానికి చెందిన గడ్డం ప్రసాద్ అక్కడికక్కడే మృతిచెందాడని ఎస్ఐ రాజేష్ తెలిపారు. అనంతరం కేసు నమోదు చేసుకొని దర్యాప్తు చేస్తున్నట్లు వెల్లడించారు. ప్రమాదానికి సంబంధించిన పూర్తి వివరాలు తెలియాల్సి ఉంది.