గత జన్మ నుండి హఠాత్తుగా మేల్కొని
వాకింగ్‌కని బయల్దేరా
నడక నాకు కొత్త అయినట్టే
షూలకీ నా కాలు కొత్త
ప్రతీకారేచ్ఛతో పిచ్చగా కరిచేసాయి
కుంటాను, గెంతాను
కాసేపు ఆగాను
ఛా.. ఆఫ్ట్రాల్ కాలి కింద చెప్పుకి
లొంగిపోవడమా? అని
మొండిగా ముందుకే సాగా
విజయదరహాసంతో ఇంటికి చేరి
షూ వైపు చూస్తే ఏదో మరక.
నిర్లక్ష్యంగా తీసి ర్యాక్‌లోకి విసిరేసా
సాక్స్ విప్పుతుంటే, తడి
ఏంటాని చూస్తే, చేతులు ఎరుపెక్కాయి.
అది రక్తం.. నా రక్తం.
ఓ నిమిషం నిర్వేదం.
కోపంగా సాక్స్‌ను
ఎడం చేత్తో ఘాఠిగా పిండేశా,
ఎందుకో కర్ణుడు గుర్తొచ్చాడు.
- దేశరాజు
99486 80009