నాకు యుద్ధం కావాలి

నాకు యుద్ధం కావాలి

అణు ఇంధనం

అణువంత నేలపైన

మిగల కూడదు

అందుకే నాకు యుద్ధం కావాలి

పోయిన వాళ్లు మంచోళ్లు

ఉన్న వాళ్లు మంచోళ్లు అంటే

నేను అసలే ఒప్పుకోను

భూ భారం యుగాల తరబడి

పెరిగి పోతోంది

త్రాసు ముల్లు నిశ్చల స్థితిలో ఉండాలి

అందుకే నాకు యుద్ధం కావాలి

యుద్ధాల భయాలతో

ఎన్నాళ్ళు బతకాలి

రాజాధికా‌రాలు ధ్వంసం కావాలి

యుద్ధ ట్యాంకులు మందుగుండు

అంతా శూన్యంలో కలసి పోవాలి

నేల కాలుష్య రహితం కావాలి

యుద్ధాలు రాక తప్పవు

ఋతు చక్రంలో శాంతి రాక తప్పదు...

మారణాయుధాలు లేని నేల

పండువెన్నెల సోయగాలతో

వెలుగులు చిమ్మె సూర్య ప్రభలతో

కొత్త లోకం కొత్త కాంతి శాంతి

నేల కొత్త విత్తుకై ఎప్పుడు

ఎదురు చూస్తునే ఉంది

పుట్టుక వెంటనే చావు ఉంటుదనే

సత్యాన్ని మరిచి పోకు

శాంతి లోక స్థాపనకై

నాకు యుద్ధం కావాలి

రేడియమ్

92915 27757