జెరం

సెప్టెంబర్ 17 విలీనమా విముక్తా

4500 మంది త్యాగాలు మరచి

ఎటూ తేల్చుకోలేక

సిగ పట్లు పట్టుకుంటున్న దినం

నాకు సలసల జెరం వస్తూ ఉంటుంది

నెపం ఏదైతేనేం

సత్యం అహింస సహాయ నిరాకరణ

నిరాహార దీక్ష పరమపదించిన

జనవరి 30 వచ్చిందంటే చాలు

నాకు టైఫాయిడ్ జెరం వచ్చింది

ఏ మతంలోనూ సర్దుబాటు కాలేక

ఆత్మగౌరవం హననమై అవమానాల పాలై

అక్టోబర్ 29న సకల సారాల

బౌద్ధాన్ని స్వీకరించినప్పుడు

ఎన్ని చెద్దర్లు కప్పినా తగ్గని

నేను చలిజెరం బారిన పడతాను

3588 రోజులు నిందితుడై

నిరపరాధిగా విడుదలైనప్పుడు

న్యాయ దేవత కళ్ళకు కట్టిన

గాంధారి గంతలు విప్పిప్పుడు

ఏప్రిల్ 4 నాలికంతా చేదు చేదు

ఏమైందో ఏమో కానీలో

జెరం కొడుతుంది

-జూకంటి జగన్నాథం

94410 78095