భయపెడుతున్న హిమ‘జ’

దిశ, వెబ్‌డెస్క్: ‘శతమానం భవతి, ఉన్నది ఒకటే జిందగీ, నేను శైలజ, ధృవ, మహానుభావుడు’ వంటి చిత్రాల్లో క్యారెక్టర్ ఆర్టిస్ట్‌గా నటించిన హిమజ.. బిగ్ బాస్ సీజన్ 3లో పాల్గొని మంచి ఫాలోయింగ్ సంపాదించుకుంది. అంతేకాదు ఈ రియాలిటీ షో ద్వారా పొందిన గుర్తింపును అలాగే కంటిన్యూ చేసేందుకు ప్రయత్నిస్తోంది. అందులో భాగంగానే తన పేరుతో యూట్యూబ్ చానల్ రన్ చేస్తున్న హిమజ.. సీరియల్స్, టీవీ షోస్‌తో పాటు సినిమాల్లోనూ అవకాశాలు అందుకుంటోంది. ఈ క్రమంలోనే.. వెండితెరపై హీరోయిన్‌‌ చాన్స్ కూడా దక్కించుకుంది. హిమజ ప్రధాన పాత్రలో ఓ హార్రర్ థ్రిల్లర్ తెరకెక్కుతుండగా.. ఈ రోజు తన పుట్టినరోజు సందర్భంగా సినిమాకు సంబంధించిన ఫస్ట్ లుక్‌తోమ పాటు సినిమా టైటిల్‌ను రివీల్ చేసింది చిత్రబృందం.

హిమజ ఈ సినిమలో వ్యాంపర్ తరహా పాత్ర పోషిస్తున్నట్లు తెలుస్తోంది. కాగా చిత్రానికి ‘జ’ అనే టైటిల్‌ను ఫిక్స్ చేశారు దర్శక, నిర్మాతలు. ఫస్ట్ లుక్, పోస్టర్ సినిమాపై క్యూరియాసిటీని పెంచుతోంది. ఇందులో హిమజ భయంతో గట్టిగా అరుస్తూ ఉండగా, ఆమె తలపై రక్తంతో తడిసిన ఓ చేయి కనిపిస్తోంది. అలానే కింది నుంచి అనేక చేతులు ఆమెను పట్టుకోవడానికి ప్రయత్నిస్తున్నట్లుగా ఉన్న ఈ పోస్టర్‌ను చూస్తుంటే.. ప్రేక్షకులకు మంచి సస్పెన్స్ థ్రిల్లర్ ఎక్స్‌పీరియన్స్ ఇవ్వడం ఖాయమనిపిస్తోంది. సైది రెడ్డి చిట్టెపు దర్శకత్వంలో వస్తున్న ఈ సినిమాకు వేంగి స్వరాలు సమకూరుస్తున్నాడు. ఈ చిత్రాన్ని జైదుర్గా ఆర్ట్స్ బ్యానర్‌పై గోవర్ధన్ రెడ్డి కందుకూరి నిర్మిస్తున్నారు.

ఇక బర్త్ డే బేబీ హిమజకు తన అభిమానులు, ఇండస్ట్రీకి చెందిన పలువురు జన్మదిన శుభాకాంక్షలు తెలుపుతున్నారు. బిగ్ బాస్ ఫేమ్ జ్యోతక్క, రవికృష్ణలు హిమజకు ప్రత్యేకంగా విషెస్ అందించారు.