ఎన్కౌంటర్ లో ఇద్దరు మావోలు మృతి

దిశ, భద్రాచలం : ఎన్కౌంటర్ లో ఇద్దరు మావోలు మృతి చెందారు. చత్తీస్గడ్ బీజాపూర్ జిల్లాలోని ఊసూర్, భాషకూడా, పామేడ్, తర్రెమ్ ప్రాంతంలో మావోయిస్టు సంచరిస్తున్నారని ఖచ్చితమైన సమాచారంతో భద్రత బలగాలు తరిలి వెళ్లాయి. రేఖపల్లి, కోమత్ పల్లి అటవీ ప్రాంతంలో మావోయిస్టుల కోసం గాలింపు చేపడుతుండగా ఎదురు కాల్పులు చోటు చేసుకున్నాయి. కాల్పుల అనంతరం సంఘటనా స్థలాన్ని శోధించగా ఇద్దరు మావోయిస్టుల మృతదేహాలు, ఒక ఎస్ఎల్ఆర్ రైఫిల్ తో పాటు మందు గుండు సామగ్రి లభ్యం అయినట్లు పోలీస్ అధికారులు తెలిపారు.