ధాన్యం కుప్పను ఢీకొని వ్యక్తి మృతి

దిశ, లోకేశ్వరం : రోడ్డుపై ఆరబెట్టిన ధాన్యం కుప్పను ఢీకొని వ్యక్తి దుర్మరణం చెందిన సంఘటన లోకేశ్వరం మండలంలో జరిగింది. ఎస్ ఐ అశోక్ తెలిపిన వివరాల ప్రకారం మండలంలోని గొడిసెరా గ్రామానికి చెందిన దండేకర్ ఆనందరావు (50) బుధవారం ద్విచక్ర వాహనంపై నందిపేట్ వెళ్లి తిరిగి వస్తుండగా పంచగుడి సమీపంలో నందిపేట్ - పంచగుడి రహదారిపై గుర్తు తెలియని రైతు ధాన్యాన్ని ఆరబెట్టగా చీకట్లో ధాన్యం కుప్ప కనిపించకపోవడంతో దానిని ఢీకొని కిందపడి తలకు తీవ్ర గాయాలై సంఘటనా స్థలం వద్దే మృతి చెందాడు. మృతుని భార్య చంద్రకళ గురువారం ఉదయం ఫిర్యాదు చేయడంతో కేసు నమోదు చేసుకుని దర్యాప్తు చేస్తున్నట్లు ఎస్సై తెలిపారు.