ఇంటి ముందే మృత్యువు ఒడిలోకి...

దిశ,తల్లాడ : తన ఇంటి ముందు జరిగిన ప్రమాదంలో వ్యక్తి మృతి చెందిన ఘటన గురువారం తెల్లవారుజామున మండలంలో జరిగింది. పోలీసులు తెలిపిన వివరాల ప్రకారం తల్లాడ మండలం రంగం బంజరా గ్రామానికి చెందిన పినిశెట్టి నాగబాబు (34) తెల్లవారుజామున 2 గంటల సమయంలో ఇంటి ముందు ఉన్న ప్రధాన రహదారిపై మూత్రవిసర్జన చేసేందుకు బయటకు వచ్చాడు.

    ఈ క్రమంలో గుర్తు తెలియని వాహనం ఢీకొని తీవ్ర గాయాలు కాగా కుటుంబ సభ్యులు ఖమ్మం గవర్నమెంట్ హాస్పిటల్ కి తరలించారు. చికిత్స పొందుతూ కొద్దిసేపటికే మృతి చెందినట్లు తెలిపారు. మృతుడు అన్న కృష్ణయ్య ఫిర్యాదు మేరకు కేసు నమోదు చేసి దర్యాప్తు చేస్తున్నట్లు హెడ్ కానిస్టేబుల్ ఆంజనేయులు తెలిపారు.