నాగోల్ పోలీస్ స్టేషన్ పరిధిలో నీటిసంపులో పడి వ్యక్తి మృతి..

దిశ, చైతన్యపురి : నీటి సంపులో పడి వ్యక్తి మృతి చెందిన సంఘటన నాగోల్ పోలీస్ స్టేషన్ పరిధిలో గురువారం చోటుచేసుకుంది. ఎస్సై శివనాగ ప్రసాద్ తెలిపిన వివరాల ప్రకారం జైపూరి కాలనీలోని శివపురి కాలనీలో గల శివాలయం దగ్గర నివసించే అతేల్లి క్రాంతికుమార్ (38) ఫిట్స్ వ్యాధితో బాధపడుతున్నాడు. తాగుడుకు బాని సై ఎలాంటి పనిచేయకుండా ఇంట్లోనే ఉంటున్నాడు. ఈ క్రమంలో ఈ నెల 25న మధ్యాహ్నం 12 గంటల సమయంలో బయటకు వెళ్లిన వ్యక్తి ఎంతకి తిరిగి రాలేదు. ఈ నెల 28న సాయంత్రం బ్లెండ్ కాలనీలోని బద్దం కుమార్ గౌడ్ ఇంటిలోని సంపులు గుర్తు తెలియని వ్యక్తి చనిపోయినట్లు తెలుసుకొని క్రాంతి కుమార్ తమ్ముడు సంతోష్ కుమార్ వెళ్లి చూశాడు. చనిపోయిన వ్యక్తి తన సోదరుడు అని తెలుసుకొని పోలీసులకు ఫిర్యాదు చేశారు. ఈ మేరకు కేసు నమోదు చేసుకొని దర్యాప్తు చేస్తున్నట్లు ఎస్సై తెలిపారు.