బావిలో గుర్తు తెలియని మృతదేహం లభ్యం

దిశ, గొల్లపల్లి : గొల్లపల్లి మండలంలోని చిల్వకోడురు గ్రామ శివారులోని వ్యవసాయ బావిలో గురువారం గుర్తు తెలియని మృతదేహం లభ్యమైంది. పోలీసులు తెలిపిన వివరాల ప్రకారం చిల్వకోడూరు గ్రామంలోని ఓ రైతు గురువారం ఉదయం తన వ్యవసాయ బావి దగ్గరికి మోటార్ పెట్టడానికి వెళ్లగా బావిలో గుర్తుతెలియని మృతదేహం కనిపించింది. దీంతో రైతు పోలీస్ లకు సమాచారం అందించగా ఘటనా స్థలానికి చేరుకున్న పోలీసులు శవాన్ని బావిలో నుండి బయటకు తీసి పరిశీలించారు.

     మృతుడు నల్లరంగు ప్యాంటు, నల్ల రంగు షర్ట్ ధరించాడని, కుడి చేయి పైన సౌజన్య అనే పేరు గల టాటూ, ఎడమ చేయి పైన దిక్కులను సూచించే టాటూ ఉన్నట్లు తెలిపారు. చిల్వకోడురు కార్యదర్శి ఇచ్చిన ఫిర్యాదు మేరకు కేసు నమోదు చేసి దర్యాప్తు చేస్తున్నామని, ఎవరికైనా మృతుని వివరాలు తెలిస్తే ధర్మపురి సీఐ 8712656817, గొల్లపల్లి ఎస్సై 8712656826 నెంబర్లకు సమాచారం అందించాలని కోరారు.