ఆ పార్టీ లీడర్‌కు ప్రమోషన్.. బీజేపీలో జోరుగా సంబురాలు

దిశప్రతినిధి, కరీంనగర్: కాంగ్రెస్ పార్టీ రాష్ట్ర అధ్యక్షుడి నియామకమైతే బీజేపీలో సంబురాలు చేసుకోవడమేంటి అనుకుంటున్నారా..? అక్షరాల ఇది నిజం. తమ పేరుకు ముందు పార్టీ పేరు తగిలించుకుని ఉన్న వారే వాట్సప్‌లలో హస్తం దళపతికి శుభాకాంక్షలు చెప్తున్నారు. కరీంనగర్ జిల్లా జగిత్యాల ప్రాంతానికి చెందిన కొంతమంది బీజీపీ నాయకులు పీసీసీ అధ్యక్షునిగా రేవంత్ రెడ్డి నియామకం కావడం పట్ల శుభాకంక్షలు చెబుతూ సోషల్ మీడియా, వాట్సప్‌లలో స్టేటస్‌లు పెట్టుకోవడంతో పాటు, నెట్టింట్లో పోస్టింగ్‌ చేసే పనిలో బిజీగా ఉన్నారు. రేవంత్ పేరు అలా ప్రకటించారో లేదో ఇలా సోషల్ మీడియా వేదికగా బీజేపీ నాయకులు కంగ్రాట్స్ చెప్పడం చర్చనీయాంశంగా మారింది.