AP Politics:వైఎస్ జగన్ ట్వీట్‌పై స్పందించిన టీడీపీ..?
ఏపీ అసెంబ్లీ, లోక్‌సభ ఎన్నికల ఫలితాల్లో టీడీపీ కూటమి భారీ మెజార్టీతో ఘన విజయం సాధించిన విషయం తెలిసిందే.
దిశ,వెబ్‌డెస్క్: ఏపీ అసెంబ్లీ, లోక్‌సభ ఎన్నికల ఫలితాల్లో టీడీపీ కూటమి భారీ మెజార్టీతో ఘన విజయం సాధించిన విషయం తెలిసిందే. ఈ ఎన్నికల్లో వైసీపీ ఘోర పరాజయం చవిచూసింది. కేవలం 11 స్థానాలకే పరిమితమైంది. ఈ క్రమంలో వైఎస్ జగన్మోహన్ రెడ్డి తన సీఎం పదవికి రాజీనామా చేశారు. అయితే ఓటమి అనంతరం జగన్ మొదటిసారిగా టీడీపీ పై ట్వీట్ చేసిన సంగతి తెలిసిందే. వైసీపీ కార్యకర్త లపై టీడీపీ దాడులు చేస్తోందన్న వైఎస్ జగన్ ట్వీట్‌పై తాజాగా టీడీపీ మండిపడింది. నువ్వు మారవు..నీ రాజకీయ బతుకే ఫేక్‌తో ముడిపడి ఉందని పేర్కొంది. దాడులు చేయాలనే ఆలోచనే మాకు ఉంటే నువ్వు ఈ ట్వీట్ కూడా పెట్టేవాడివి కాదు. మీ నేతలు రాష్ట్రాలు, దేశాలు దాటి పారిపోయేవారు కాదు అని ఎద్దేవా చేశారు. ఇప్పటికైనా నీ నీలి మందతో, నీలి వేషాలు వేయకుండా హోందగా రాజకీయం చేయి అని విమర్శించారు. లేకపోతే ఆ పులివెందులను కూడా ప్రజలు మిగిల్చరు అని రిప్లై ఇచ్చింది.